കല്ലു പോലുള്ളവർ
****************

വാക്കുകളിൽ ഓരോ കോണിലും മൂർച്ഛയേറ്റിവരെ  കേട്ടിട്ടുണ്ടോ?

പടവെട്ടി തളർന്നു പോയവർ ,നിഴലിനോടും കലമ്പുന്നവർ...

മുനയൊടിഞ്ഞ  വാളാൽ വീണ്ടുമൊരങ്കം വിളിക്കാൻ ത്രാണിയില്ലാത്തവർ...

ആരെയും പരിചയിക്കാതെയൊരു കാണാ പരിചയുടെ കീഴെ മുഖം മറച്ചവർ..

വാക്കാൽ കുത്തി , പേടി മുളപ്പിച്ചുറക്കം പോയവർ ,കൺതടങ്ങളിൽ കറുപ്പു പടർന്നവർ...

ഒന്നമർത്തി പുണർന്നാൽ,ഒന്നില്ലാതെയലിഞ്ഞു പോകുന്നവർ... 

ഉള്ളിന്റെയുള്ളിലെ ചുവപ്പും ഊറ്റിത്തരുന്നവർ ...